ඇමෙරිකාවේ ජනපති ඩොනල්ඩ් ට්‍රම්ප් “ස්ත්‍රී දුෂණයකට වගකිව යුතු බවට“ අමෙරිකානු ඒ බී සී මාධ්‍ය ජාලය සිදුකළ අසත්‍ය ප්‍රකාශය මුල්කරගත් අපහාස නඩුව සමථයකට පත්කිරීම සඳහා ඩොලර් මිලියන 15ක මුදලක් ගෙවීමට එම මාධ්‍ය ජාලය එකඟතාවය පළකර තිබෙන බව විදෙස් මාධ්‍ය සඳහන් කරනවා.

ඔවුන් පවසන්නේ මෙම නඩුවේ බේරුම්කරණය සඳහා අමෙරිකානු ඩොලර් මිලියන 15ක මුදලක් ජනාධිපති අරමුදලක වෙත යොමු කිරීමට නියමිත බවයි.

එමෙන්ම, තවත් ඩොලර් මිලියනයක මුදලක් අමෙරිකානු වෝල්ට් ඩිස්නි සමාගමට අයත් ඒ බී සී මාධ්‍ය ජාලය විසින් ට්‍රම්ප්ගේ නඩු ගාස්තු වෙනුවෙන් ගෙවීමට ද එකඟ වී තිබෙන බව සඳහන්.

CNN, The New York Times සහ The Washington Post ට එරෙහිව නඩු පැවරීම ඇතුළුව, නිතර නිතර අපකීර්තියට පත් කිරීම සඳහා ප්‍රවෘත්ති ආයතනවලට නඩු පවරා ඇති සහ නිතර පරාජයට පත් වූ ට්‍රම්ප් මහතාට මෙම ප්‍රතිඵලය අසාමාන්‍ය ජයග්‍රහණයක් බවයි කියන්නේ.