එළඹෙන ඉන්දීය ප්‍රිමියර් ලීග් තරඟාවලියේ පන්ජාබ් කිංග්ස් කණ්ඩායමේ නායක ලෙස ඉන්දීය සුපිරි පිතිකරු ශ්‍රෙයාස් අයියර් පත්කර තිබෙනවා.
පසුගිය 2024 වසරේදී කොල්කටා කණ්ඩායමට ශූරතාව ලබා ගැනීම සඳහා නායකත්වය ලබාදුන් අයියර්ව වසර අවසානයේදී කණ්ඩායමෙන් නිදහස් කිරිමට කළමනාකාරිත්වය පියවර ගෙන තිබුණා.
පසුගියදා පැවති ක්‍රීඩක වෙන්දේසියේදී ඉන්දිය රුපියල් කෝටි 26.75කට ශ්‍රෙයාස් අයියර්ව පන්ජාබ් කිංග්ස් කණ්ඩායම මිලදී ගත බව සඳහන්.
එය පැවති ක්‍රීඩක වෙන්දේසියේ දෙවන විශාලතම මිලදී ගැනීම ලෙසයි සැලකෙන්නේ.
එමෙන්ම මේ වසරේ ඉන්දීය ප්‍රිමියර් ලීග් තරඟාවලියේ කාල සටහනේ සුළු වෙනස්කමක් සිදුකර තිබෙන බවද සඳහන් කරනවා.
සංවිධායකවරුන් තීරණය කර ඇත්තේ තරඟාවලිය මුලින් ප්‍රකාශයට පත් කළ කාලයට වඩා සතියකට පසු ආරම්භ කිරීමටයි.
ඒ අනුව තරඟාවලිය නිල වශයෙන් මාර්තු 21 වැනිදා කොල්කටාහිදී ආරම්භ වීමට නියමිතයි.
අවසන් මහා තරඟය මැයි මස 25 වැනිදා කොල්කටා හිදීම පැවැත්වීමට සූදානම් කර තිබෙනවා.
මීට පෙර මාර්තු 14 වැනිදා තරඟාවලිය ආරම්භ කිරීමට සැලසුම් කර තිබුණ අතර ශූරයින්ගේ කුසලාන තරඟාවලිය හේතුවෙන් තරඟ විකාශකයින් කරනු ලැබූ ඉල්ලීකට අනුව මෙම කාලසටහන සංශෝධනය කර ඇති බවයි පවසන්නේ.
