රාජ්‍ය නිලධාරීන්ට සිදුවන අකටයුතුකම් සහ පහරදීම් සම්බන්ධයෙන් දැඩිව නීතිය ක්‍රියාත්මක කරන බව රාජ්‍ය පරිපාලන හා ස්වදේශ කටයතු අමාත්‍යාංශය පවසනවා.
ඒ, පසුගිය දිනක වනජීවි දෙපාර්තමේන්තු නිලධාරියෙකුට හිටපු මන්ත්‍රීවරයකුගේ සමීපතමයකු පහරදීමට උත්සාහ කිරිමේ සිදුවීමත් සමගයි.
රාජකාරි වේලාව තුළදී පුත්තලම ප්‍රදේශයේ, වන අලි අභය භූමියට පලවා හැරි වනජීවි දෙපාර්තමේන්තුවේ නිලධාරියෙකුට අදාළ මන්ත්‍රිවරයාගේ සමීපතමයා පහර දීමට උත්සහ කර ඇති බවයි රාජ්‍ය පරිපාලන හා ස්වදේශ කටයතු අමාත්‍ය මහාචාර්යය චන්දන අබේරත්න මහතා සඳහන් කළේ.
වනජීවි නිලධාරීවරයා සතුව තිබී අලි පලවා හැරීමට භාවිතා කරන රාජකාරි ගිනි අවිය ද පැහැර ගැනීමට සැකකරු උත්සහ කර තිබෙනවා.
ඒ අනුව අමාත්‍යවරයා ප්‍රකාශ කළේ එම සිදුවීම් පාදක කර ගනිමින් දිවයිනේ විවිධ ප්‍රදේශවල රාජ්‍ය නිලධාරීන්ට සිදුවන අකටයුතුකම් හා රාජකාරියට බාධා කිරිම් සම්බන්ධයෙන් විශේෂ අවධානය යොමුකර අදාළ පුද්ගලයින්ට නීතිමය පියවර ගන්නා බවයි.
