කථානායක අසෝක රන්වල මහතාට එරෙහිව පාර්ලිමේන්තුවට විශ්වාසභංගයක් ගෙන එන්නේ නම් ඊට අත්වන ඉරණම කෙරෙහි දෙවරක් සිතිය යුතු බව කෘෂිකර්ම නියෝජ්‍ය අමාත්‍ය නාමල් කරුණාරත්න මහතා පවසනවා.
කුරුණෑගලදී මාධ්‍ය වෙත අදහස් දක්වමිනුයි ඔහු මේ බව පැවසුවේ.
ඔවුන්ට පාර්ලිමේන්තුවේ තුනෙන් දෙකකට එහා බලයක් තිබෙන බවත්, කථානායකවරයාට එරෙහිව පාර්ලිමේන්තුවට විශ්වාසභංගයක් ඉදිරිපත් වූවාට ගැටලුවක් නොමැති බවද ඔහු ප්‍රකාශ කළා.
එම නිසා මේ මොහොතේ ඊට පිළිතුරු ලබා නොදී කථානායකගේ ප්‍රකාශයත් සමඟ එය තීරණය කරන බවත්, විශ්වාසභංගය ගෙනෙන අය ඒ ගැන කල්පනා කළ යුතු බවයි අමාත්‍යවරයා වැඩි දුරටත් පැවසුවේ.
