ඊශ්‍රායලය විසින් සිරියාවේ අල්-බයිඩා සහ ලටාකියා හි වරායන්ට ගුවන් ප්‍රහාර එල්ල කළ බව තහවුරු කර තිබෙන බව විදෙස් මාධ්‍ය වාර්තා කරනවා.
ප්‍රහාරවලින් නාවික යාත්‍රා 15ක් සම්පූරණයෙන්ම විනාශ වී ඇති බවයි එම වාර්තා සඳහන් කළේ.
ඊශ්‍රායලය සිරියාව වෙත ගුවන් ප්‍රහාර 350කට වැඩි ප්‍රමාණයක් එල්ල කර ඇති අතර එම ප්‍රහාරවලින් වරායටද විශාල හානියක් සිදුව තිබෙන බවයි කියන්නේ.
සිය රාජ්‍යයට තර්ජනයක් වන උපායමාර්ගික හැකියාවන් විනාශ කිරීම තම ඉලක්කය බවත් සිරියානු බලඇණිය විනාශ කිරීමේ මෙහෙයුම ඉතා සාර්ථක බවත් ප්‍රකාශයක් නිකුත් කරමින් ඊශ්‍රායල ආරක්ෂක අමාත්‍ය ඊශ්‍රායල් කැට්ස් පවසා තිබුණා.
කෙසේ වෙතත් ඊශ්‍රායලය සිරියානු අගනුවර වන ඩැමස්කස්හි මෙන්ම හෝම්ස්, ටාටස් සහ පැල්මයිරා හි ගුවන් තොටුපොළවල, හමුදා වාහන, ගුවන් යානා නාශක අවි සහ ආයුධ නිෂ්පාදන ස්ථාන ඇතුළු පුළුල් පරාසයක ඉලක්ක වෙත පහර දී ඇති බවයි විදෙස් වාර්තා වැඩි දුරටත් සඳහන් කර ඇත්තේ.
