මීතොටමුල්ලේ කන්ටේනරයක සඟවා තිබූ විදේශීය නිෂ්පාදිත අති නවීන පිස්තෝල අවියක් හා එම පිස්තෝල අවියට යොදා ගන්නා මැගසින් දෙකක් පොලිස් විශේෂ කාර්ය බලකා නිලධාරීන්ගේ භාරයට ගෙන තිබෙනවා.
ඊයේ (08) දින පොලිස් විශේෂ කාර්ය බලකා නිලධාරීන් වැල්ලම්පිටිය පොලිස් වසමේ මීතොටමුල්ල සෞඛ්‍යය වෛද්‍ය නිළධාරි කාර්යාලය පිටුපසයි මෙම වැටලීම සිදු කර තිබෙන්නේ.
එහිදී එම කාර්යාලය පිටුපස රඳවා තබා ඇති කන්ටේනර් බහාලුමක් යට සඟවා තිබියදීයි මෙම සැකකරුවෙකු නොමැති අවි සොයා ගෙන ඇත්තේ.
ඒ අනුව නිලධාරීන් පැවසුවේ මෙම අවි යම් අපරාධයක් සිදු කිරීමේ අදහසින් මෙසේ සඟවා තබන්නට ඇති බවයි.
කෙසේ නමුත් වැඩිදුර විමර්ශන කටයුතු සඳහා එම භාණ්ඩ වැල්ලම්පිටිය පොලිස් ස්ථානය වෙත භාර දී ඇති බවයි සඳහන් වන්නේ.
