ලබන වසර සදහා ඉදිරිපත් කළ අතුරු සම්මත ගිණුම හා පරිපූරක ඇස්තමේන්තුව පිළිබද විවාදය දෙවන දිනටත් අද (06 ) පාර්ලිමේන්තුවේදී පැවැත්වෙනවා.
2025 වසරේ පළමු මාස 4 ක කාලය සදහා රජයේ අත්‍යවශ්‍ය වියදම් කළමනාකරණය සහ ණය සේවාකරණය අඛණ්ඩව පවත්වා ගැනීම සදහා වන අතුරු සම්මත ගිණුම සභානායක අමාත්‍ය බිමල් රත්නායක විසින් ඊයේ පාර්ලිමේන්තුවට ඉදිරිපත් කළ අතර ඉන් අනතුරුවයි විවාදය ආරම්භ වූයේ.
එහි මුළු ඇස්තමේන්තු ගත මුදල, රුපියල් බිලියන 2600ක් බව සඳහන්.
2025 වසරේ මුල් මාස 4 සඳහා පුනරාවර්ථන වියදම් ලෙස, රුපියල් බිලියන 1000 ක් වෙන් කර තිබෙනවා.
එමෙන්ම රුපියල් බිලියන 425 ක මුදලකුයි ප්‍රාග්ධන වියදම් සඳහා වෙන් කර ඇත්තේ.
ණය ප්‍රතිව්‍යුහගතකරණයට අමතරව, අනෙකුත් ණය සේවාවන් සදහා රුපියල් බිලියන 1175 ක් ඇස්තමේන්තුගත කරයි තිබෙන්නේ.
අතුරු සම්මත ගිණුම අද පස්වරුවේ සම්මත කරගැනීමට නියමිත බව සඳහන්.
