X සමාජ මාධ්‍ය බිඳ වැටීමට සයිබර් ප්‍රහාරයක් හේතුවී ඇතැයි එහි හිමිකරු එලොන් මස්ක් පවසනවා.
විදෙස් මාධ්‍ය වාර්තා කළේ ඊයේ (10) දිනයේ 40,000 කට වැඩි පරිශීලකයින් පිරිසකට ඔවුන්ගේ X ගිණුම් වෙත ප්‍රවේශ වීමට නොහැකිව තිබූ බවයි.
මේ හේතුවෙන් බොහෝ පරිශීලකයින්ට සිය පණිවුඩ පළ කිරීමේදී ද බාධා එල්ල වී ඇති බව සඳහන්.
ඇමෙරිකාවෙනුයි මෙම බිඳවැටීම් බහුතරයක් වාර්තා වී ඇත්තේ.
සිය “X” ගිණුමේ සටහනක් තබමින් ඉලෝන් මස්ක් පෙන්වා දෙන්නේ සෑම දිනකම මෙවැනි ප්‍රහාර එල්ල වන බවත්, ඊයේ දිනයේ ද සංවිධානාත්මක කණ්ඩායමක් විසින් අදාළ සයිබර් ප්‍රහාරය එල්ල කර ඇති බවයි.
මේ අතර ඇමෙරිකානු ජනාධිපති ඩොනල්ඩ් ට්‍රම්ප්ගේ සමීපතමයෙකු වන මස්ක්, මේ වනවිට ඇමෙරිකානු රජයේ කාර්යක්ෂමතා දෙපාර්තමේන්තුවේ ප්‍රධානී ලෙස කටයුතු කරනු ඇති.
