ප්‍රහාරක ජෙට් යානයකින් හදිසියේ වැටුණු බෝම්බයක් හේතුවෙන් දකුණු කොරියාවේ පුද්ගලයන් 15 දෙනෙකු තුවාල ලබා තිබෙනවා.
එරට මාධ්‍ය පවසන්නේ තුවාල ලැබු අයගෙන් 02 දෙනෙකුගේ තත්ත්වය බරපතල බවයි.
සජීවී අභ්‍යාසයක් අතරතුර ප්‍රහාරක ජෙට් යානයකින් බෝම්බ 8ක් වැටී තිබෙන බවයි ඔවුන් වාර්තා කර ඇත්තේ.
ඒ උතුරු කොරියා දේශසිමා ආසන්න ප්‍රදේශයකටයි.
ඉන් එක් බෝම්බයක් පුපුරා ගොස් ඇති අතර අනෙක් බෝම්බ 7 නිෂ්ක්‍රීය කිරීම සඳහා ආරක්ෂක අංශ යොදවා ඇති බවයි එරට බලධාරීන් පැවසුවේ.
