ඕස්ට්‍රේලියාවේ සෞඛ්‍ය සම්පන්නම ප්‍රාන්ත පිළිබදව නවතම අධ්‍යනයක් සිදුකර තිබෙන බව සඳහන් වෙනවා.

ඒ Time out සගරාව මඟින් සිදු කළ සමීක්ෂණයක් මගිනුයි.

එහි දක්වා ඇති පරිදි ඕස්ට්‍රේලියාවේ වඩාත් සෞඛ්‍ය සම්පන්නම ප්‍රාන්තය බවට වික්ටෝරියා ප්‍රාන්තය පත්ව තිබෙන අතර මෙම ශ්‍රේණිගත කිරීමේදී එම ප්‍රාන්තයට 78.63 ක ලකුණු ප්‍රමාණයක් හිමිව තිබෙනවා.

ශ්‍රේණිගත කිරීමේදී ලකුණු 67.24 ක් හිමි කර ගනිමින් ලැයිස්තුවේ දෙවන ස්ථානය ACT ත්, ලකුණු 64.66 ක් ලබා ගනිමින් නිව් සවුත් වේල්ස් ප්‍රාන්තය තෙවන ස්ථානයත් හිමි කොටගෙන තිබෙන බව සඳහන්.

ලැයිස්තුවේ සිව් වන ස්ථානය,පස්වන ස්ථානය සහ හය වන ස්ථාන හිමි කරගෙන ඇත්තේ පිළිවෙලින් ලකුණු 58.00 ක්, 39.02 ක් සහ 37.91 ලබා ගත් දකුණු ඕස්ට්‍රේලියා, බටහිර ඕස්ට්‍රේලියා සහ ටස්මේනියා යන ප්‍රාන්තයි.

එමෙන්ම මෙම ලැයිස්තුවේ ඕස්ට්‍රේලියාවේ සෞඛ්‍ය සම්පන්නම ප්‍රාන්ත අතර අවසන් ස්ථානය ලෙස ක්වීන්ස්ලන්ඩ් ප්‍රාන්තයයි සටහන් වන්නේ.