තමන් ජාත්‍යන්තර ක්‍රිකට් පිටියට සමුදීමට තීරණය කළ බව බංග්ලාදේශ සුපිරි ආරම්භක පිතිකරු තමීම් ඉක්බාල් පවසනවා.
සිය ෆේස්බුක් ගිණුමේ සටහනක් තබමින් ඔහු මේ බව සඳහන් කළා .
දීර්ඝ කාලයක් තමන්ට ජාත්‍යන්තර තරඟ සඳහා සහභාගි වීමට නොහැකි වීම මත මෙම තීරණය ගත් බවයි ඔහු සඳහන් කළේ.
ශූරයන්ගේ කුසලාන තරඟාවලිය සඳහා කණ්ඩායම තෝරන අවස්ථාවේදි විවිධ පාර්ශවවලින් එල්ල වන විවේචන හමුවේ කණ්ඩායමේ අවධානය කඩාකප්පල් කිරීමට තමන්ට අවශ්‍ය නොවන බවයි ඔහු පවසන්නේ.
මීට පෙරද තමීම් ඉක්බාල් ජාත්‍යන්තර පිටියට සමුදුන් අතර එවකට බංග්ලාදේශ අගමැතිනි ශීක් හසීනාගේ ඉල්ලීම මත ඔහු එම තීරණය ඉල්ලා අස්කර ගත්තා.
