උතුරු මැද පළාතේ 11 වන වසර සදහා පැවැත්වෙන තුන්වන වාර විභාගය පැවැත්වීම නැවත දැනුම්දෙනතුරු අත්හිටුවීමට උතුරු මැද පළාත් අධ්‍යාපන දෙපාර්තුමේන්තුව පියවර ගෙන තිබෙනවා.
ඒ, අද (06) දිනට නියමිතව තිබූ එම පළාතේ 11 වසර සිංහල සාහිත්‍යය ප්‍රශ්න පත්‍රය විභාගයට පෙර සමාජ මාධ්‍ය ඔස්සේ පළ වී තිබූ බවට පළාත් අධ්‍යාපන දෙපාර්තුමේන්තුව වෙත පැමිණිල්ලකට අනුවයි.
ඉන් අනතුරුව ප්‍රශ්න පත්‍රයට අදාළ විභාගය නතර කිරීමටයි පළාත් අධ්‍යාපන දෙපාර්තුමේන්තුව පියවර ගත්තේ.
කෙසේ වෙතත් තවත් විභාග ප්‍රශ්න පත්‍ර ද කලින් පිටවී ඇති බවට විවිධ පාර්ශ්ව විසින් චෝදනා එල්ල කර තිබෙනවා.
මේ අනුව පවතින තත්ත්වය යටතේ උතුරු මැද පළාතේ 11 වසර සදහා පැවැත්වෙන තුන්වන වාර විභාගය නැවත දැනුම්දෙන තුරු අත්හිටුවීමටයි පළාත් අධ්‍යාපන දෙපාර්තුමේන්තුව පියවර ගත්තේ.
කෙසේ වෙතත් 6 ශ්‍රේණියේ සිට 10 වැනි ශ්‍රේණිය දක්වා තුන්වන වාර විභාගය සුපුරුදු පරිදි පැවත්වෙනවා.
මෙම තහනම බලපැවැත්වෙන්නේ උතුරු මැද පළාතේ 11 වසර වාර විභාගය සඳහා පමණයි.
