ජනාධිපති අනුර කුමාර දිසානායක මහතාගේ ඩිජිටල්කරණ වැඩසටහන යටතේ ක්‍රියාත්මක කළ ව්‍යාපෘතියක් ලෙස විදේශගත ශ්‍රී ලාංකිකයන්ට ඒ රටවල පිහිටි තානාපති කාර්යාල හරහා ප්‍රමාදයකින් තොරව උප්පැන්න සහතික, විවාහ සහතික හා මරණ සහතික කඩිනමින් ලබා ගැනීමට හැකි ඩිජිටල් පහසුකම ආරම්භ කිරීම අද (06) සිදු කෙරුණා.
විදේශ කටයුතු, විදේශ රැකියා, සංචාරක අමාත්‍යාංශය මගින් ක්‍රියාත්මක කරන මෙම වෙබ් අඩවිය අමාත්‍ය විජිත හේරත් මහතා විසිනුයි විවෘත කරනු ලැබුවේ.
මෙහි නියමු ව්‍යාපෘතිය තානාපති කාර්යාල 07ක් කේන්ද්‍ර කරගනිමින් ක්‍රියාත්මක වන බව සදහන්.
ඒ අනුව ජපානය, කටාර්, කුවේට් තානාපති කාර්යාල, මිලානෝ, ටොරොන්ටෝ, මෙල්බර්න් සහ ඩුබායි කොන්සල් කාර්යාල මගින් ඒ රටවල්වල සිටින ශ්‍රී ලාංකිකයන්ට මින් ඉදිරියට ප්‍රමාදයකින් තොරව උප්පැන්න සහතික, විවාහ සහතික හා මරණ සහතික සහතික ලබා ගැනීමේ අවස්ථාව හිමිවනවා.
මෙම ව්‍යාපෘතිය ඉදිරි කාලයේ දී සියලු තානාපති කාර්යාල ආවරණය වන පරිදි ක්‍රියාත්මක කරන බවයි විදේශ අමාත්‍යාංශය පවසන්නේ.
