සමාජ මාධ්‍ය ඔස්සේ සංසරණය වන අසත්‍ය හඬපටයක් සම්බන්ධයෙන් පොලිස් මූලස්ථානය කරුණු පැහැදිලි කිරීමක් සිදුකරනවා.
” රජය මගින් ක්‍රියාත්මක කරනු ලබන Clean Sri Lanka -2025 වැඩසටහනට සමගාමීව ශ්‍රී ලංකා පොලිසිය මගින් මහජනතාව වෙත සිදුකරනු විශේෂ දැනුම් දීමයි ” යනුවෙන් කිසියම් පුද්ගලයෙක් විසින් සිදුකල අසත්‍ය හඬපටයක් සමාජ මාධ්‍ය ඔස්සේ සංසරණය වෙමින් පවතින බවයි පොලිස් මූලස්ථානය පවසන්නේ.
පොලිස් ආඥා පනතේ වගන්තියක් සඳහන් කරමින් මහජනතාව විසින් තම නිවෙස් ඉදිරිපිට ප්‍රදේශ පිරිසිදුව තබා ගැනීම ඇතුළු තවත් කරුණු අවධාරණය කර ඇති බවටත්, එසේ සිදු නොකරන පුද්ගලයින්ට එරෙහිව ජනවාරි මස 15 වැනිදායින් පසු නෛතික ක්‍රියාමාර්ග ගන්නා බවටත් එම හඬපටයේ සඳහන් වනවා.
සමාජ මාධ්‍ය ඔස්සේ සංසරණය වන මෙම හඬපටය අසත්‍ය හඬපටයක් බවත්, මෙවැනි හඬපටයක් පොලිසිය විසින් නිකුත් කර නොමැති බවත් අදාළ හඬපටය නිකුත් කළ පුද්ගලයා සම්බන්ධයෙන් නීතිමය ක්‍රියාමාර්ග ගන්නා බවයි පොලිස් මූලස්ථානය පවසන්නේ
