ඕස්ට්‍රේලියානුවන් වංචාවට හසු කර ගැනීමේ අමුතු ක්‍රියාදාමයක් සම්බන්ධයෙන් වන තොරතුරු වාර්තා වී තිබෙනවා.
ඒ අනුව එම නව වංචාවක කොටසක් ලෙස රෙදිපිළි පාර්සල්, පිරවූ සෙල්ලම් බඩු, ඉරා දැමූ රෙදි හෝ මල් පෙති වැනි වටිනාකමක් නොමැති අනවශ්‍ය පාර්සල් ඕස්ට්‍රේලියානුවන්ට යවනු ලැබේ.
එහිදී ලබන්නන් එම ඉවතලන ද්‍රව්‍ය ඉවත් කළ පසු ඔවුන් මිලදී නොගත් අහඹු, මිල කළ නොහැකි භාණ්ඩයක් සහිත පැකේජයක් ලැබෙන බවයි කියන්නේ.
එම පැකේජයේ QR කේතයක් අඩංගු වන අතර එමඟින් පුද්ගලයා කුතුහලයෙන් එය ස්කෑන් කිරීමට යොමු කරයි.
එහිදී එය ඔවුන්ව වංචනික බෙදා හැරීම් සිදු කරනා වෙබ් අඩවියකට ගෙන යනු ලබයි.
පසුව වංචාකරුවන්ට ඔවුන්ගේ විකුණුම් පැතිකඩ ඉහළ නැංවීම සඳහා සැබෑ ලබන්නාගේ නම යටතේ ඔවුන්ගේ ව්‍යාපාරය ගැන ව්‍යාජ සමාලෝචනයක් (fake review) ලිවීමටත්, එය “බෙදා හැරීමේ සනාථ බව පෙන්නුම් කරන සාක්ෂියක්” (proof of delivery) ලෙස භාවිතා කළ හැකි වනවා.
විකාර සහගත මෙම වංචනික සිදුවීම් පසුගිය සති කිහිපය තුළ ඕස්ට්‍රේලියාව පුරා ව්‍යාප්ත වී තිබෙනවා.
මිට අමතරව මෑත සතිවලදී, සමාජ මාධ්‍ය කණ්ඩායම් වංචාවන් පිළිබඳවද වැඩි වශයෙන් වාර්තා වූ බවද සඳහන්.
