පොඩි ලැසී යන රැඳවියා නාන ස්ථානයේ හා සිර මැදිරිය පිටුපස තිබී Samsung වර්ගයේ ස්මාර්ට් ජංගම දුරකථනයක් පොලිස් විශේෂ කාර්ය බලකා නිලධාරීන් භාරයට ගෙන තිබෙනවා.
ඒ බූස්ස අධිආරක්ෂිත බන්ධනාගාරයේදීයි.
විශේෂ කාර්ය බලකාය බූස්ස අධි ආරක්ෂිත බන්ධනාගාර කඳවුරේ නිලධාරීන්ට පොලිස් විශේෂ කාර්යංශයෙන් ලද තොරතුරකට අනුවයි එහි නිලධාරීන් කණ්ඩායමක් විසින් ඊයේ (08) දින බුස්ස අධිආරක්ෂිත බන්ධනාගාරයේ විශේෂ අංශයේ සෝදිසි කිරීමක් සිදුකර ඇත්තේ.
එහි දී වැඩිදුරටත් කළ සෝදිසි කිරීම්වලදී මෙම රැඳවියා නාන ස්ථානයේ කොන්ක්‍රිට් කොටස යට සුක්ෂම ලෙස සඟවා තිබියදී හැන්ඩ් ෆ්‍රී එකක් සමග තලා හානිකර විසිකර තිබුණු ජංගම දුරකථන උපාංගද සොයා ගෙන තිබෙනවා.
එම භාණ්ඩ වැඩිදුර විමර්ශන කටයුතු සඳහා බන්ධනාගාර පාලනාධිකාරිය වෙත භාර දී ඇති බවයි සඳහන් වන්නේ.
