ජාත්‍යන්තර අභ්‍යාවකාශ මධ්‍යස්ථානයක සිරවී සිටින සුනිතා විලියම්ස් සහ බුච් විල්මෝර් යන අභ්‍යාවකාශගාමීන් රැගෙන ඒමට ගිය ස්පේක්ස් එක්ස් කැප්සියුලය ඊයේ (16) දින එම මධ්‍යස්ථානයට ළඟා වී තිබෙනවා.
මාස 9ක් පුරා ඔවුන් දෙදෙනා මෙම මධ්‍යස්ථානයේ සිටින අතර මෙවරත් කාලගුණ බලපෑම් හේතුවෙන් පෘථිවියට පැමිණීම ප්‍රමාද වනු ඇති බවයි වාර්තා වන්නේ.
මෙලෙස අභ්‍යවකාශ මධ්‍යස්ථානය වෙත ළඟා වුයේ නව කාර්ය මණ්ඩල සාමාජිකයින් සිව්දෙනෙකු රැගත් SpaceX කැප්සියුලයයි.
කෙසේනමුත් සුනිතා සහ විල්මෝර් මේ සතියේ නැවත පෘථීවිය වෙත පැමිණිමට නියමිත වුවද කැප්සියුලය නැවත පෘථිවිය වෙත ආරක්ෂිතව ඇතුළුවීමට බලපාන තත්ත්වය නැවත නිවැරදි වන තෙක් එම ගමනේ ප්‍රමාදයක් විය හැකි බවයි ජාත්‍යන්තර අභ්‍යාවකාශ මධ්‍යස්ථානය පවසන්නේ.
