වයඹ දිග පාකිස්තානයේ ඉස්ලාමීය දේවස්ථානයක් ඉලක්ක කරගෙන එල්ල වූ ප්‍රහාරයකින් ඉස්ලාමීය ආගමික නායකයෙකු ඇතුළු තවත් තිදෙනෙකු තුවාල ලබා තිබෙනවා.
තුවාලකරුවන් අතර කුඩා දරුවන් ද සිටින බවයි එරට ආරක්ෂ අංශ පවසා ඇත්තේ.
මෙලෙස බරපතල තුවාල ලබා ඇත්තේ අබ්දුල්ලා නදීම් නැමැති ජමියත් උලේමා ඉස්ලාම්-ෆාසල් (JUI-F) නම් දේශපාලන පක්ෂයේ ප්‍රාදේශීය නායකයෙකුයි.
ප්‍රහාරය කවුරුන් විසින් සිදුකර ඇතිද යන්න මෙතෙක් අනාවරණය කරගෙන නොමැත.
පසුගිය කාලයේ ඇෆ්ගනිස්තාන සහ පාකිස්තාන දේශසීමා ප්‍රදේශවල ප්‍රහාර උත්සන්න වෙමින් පැවතුණ අතර පසුගිය මාසයේ ද වයඹදිග පාකිස්තානයේ සිදු වූ මරාගෙන මැරෙන බෝම්බ ප්‍රහාරයකින් 06කු මිය ගියා.
එමෙන්ම පාකිස්තානයේ ප්‍රචණ්ඩ ක්‍රියා සුලබව සිදුවන බලොකිස්තාන ප්‍රාන්තය හරහා ධාවනය වෙමින් තිබූ දුම්රියක්, එහි ගමන්ගත් මගීන් 400කට ආසන්න පිරිසක් සමඟ බලොකිස්තාන බෙදුම්වාදී සටන්කාමීන් විසින් පසුගිය දා පැහැර ගත් පසු ආරක්ෂ අංශ සහ බෙදුම්වාදී අතර ඇති වු වෙඩි හුවමාරුවේ දී සටන්කාමීන් 33 දෙනෙකු සහ ප්‍රාණ ඇපකරුවන් 27 දෙනෙකු ද මියගොස් තිබුණු බව සඳහන්.
