නව සටන් විරාම ගිවිසුම යටතේ අද දින නිදහස් කිරීමට නියමිත ප්‍රාණ ඇපකරුවන් අතර සිටි ඊශ්‍රායල හමුදා සාමාජිකාව වන අගම් බර්ගර් උතුරු ගාසා තීරයේදී ජාත්‍යන්තර රතු කුරුස කමිටුව වෙත භාර දී තිබෙනවා.
ඇය ඊශ්‍රායල භූමියට ඇතුළු වූ බවත්, යළි පවුලේ සාමාජිකයින් සමඟ එක් වූ බවත් ඊශ්‍රායල හමුදාව ප්‍රකාශ කර තිබෙන බවයි කියන්නේ.
හමාස් හා පලස්තීන ඉස්ලාමීය ජිහාඩ් සටන් කාමීන් ගාසා තීරයේ ඛාන් යූනීස් හි ප්‍රාණ ඇපකරුවන් නිදහස් කිරීමට කටයුතු සූදානම් කරමින් සිටින බවත්, එය නැරඹීමට විශාල පිරිසක් රැස්ව සිටින බව පවසනවා.
මෙහිදී ප්‍රාණ ඇපකරුවන් දෙදෙනෙකු නිදහස් කෙරෙනු ඇති බව සඳහන්.
