2024 ලෝක පැරා ඔලිම්පික් ක්‍රීඩා උළෙලේ පිරිමි F44 හෙල්ල විසිකිරීමේ ඉසව්වෙන් මීටර් 67.03 දස්කමක් දක්වා නව ලෝක වාර්තාවක් පිහිටුවමින් රිදී පදක්කමක් දිනාගෙන කැපී පෙනෙන ජයග්‍රහණයක් අත්කරගත් ශ්‍රී ලංකා යුද හමුදා පොලිස් හේවා බලකායේ (SLCMP) බලලත් නිලධාරි සමිත දුලාන් කොඩිතුවක්කු මහතා වෙත ඊයේ ( 29) දින අධ්‍යාපන අමාත්‍යංශයේදී අග්‍රාමාත්‍ය ආචාර්ය හරිනි අමරසූරිය මෙනවිය අතින් නව හෙල්ලයක් පිරිණමා තිබෙනවා.
2024 වර්ෂයේ ප්‍රංශයේ පැවැති පැරා ඔලිම්පික් උළෙලට සහභාගී වූ අවස්ථාවේ බලලත් නිලධාරි සමිත දුලාන් කොඩිතුවක්කු මහතා හමුවු සුභාෂිනී නිරංජලා වීරසිංහ මහත්මිය තම ශ්‍රී ලංකා සංචාරයේදී මෙම විශේෂ හෙල්ලය ලබා දීමට අදහස් කර තිබුනු බව සඳහන්.
මෙම අවස්ථාවට ශ්‍රී ලංකා යුද හමුදාවේ ක්‍රීඩා අධ්‍යක්ෂ සුභාෂිනී නිරංජලා වීරසිංහ මහත්මිය සහ සමිත දුලාන්ගේ පුහුණුකරු ප්‍රදීප් නිශාන්ත මහතා එක්ව සිටියා.
*සමිත දුලාන් ක්‍රීඩකයා විසින් අත් කර ගත් ජාතික හා ජාත්‍යන්තර ජයග්‍රහණයන්.
2016 යුද හමුදා ආධුනික මලල ක්‍රීඩා තරඟාවලියේ වාර්තාවක් සමගින් – රන් පදක්කම දිනා ගැනීම
2018 යුද හමුදා පැරා මලල ක්‍රීඩා තරඟාවලියේ – රිදී පදක්කම දිනා ගැනීම
2019 ජාතික පැරා මලල ක්‍රීඩා තරඟාවලියේ – රන් පදක්කම දිනා ගැනීම
2020 ජාතික පැරා මලල ක්‍රීඩා තරඟාවලියේ – රන් පදක්කම දිනා ගැනීම
2021 ජපානයේ පැවති පැරා ඔලිම්පික් තරඟාවලියේ – ලෝකඩ පදක්කම දිනා ගැනීම
2022 ජාතික පැරා මලල ක්‍රීඩා තරඟාවලියේ -රන් පදක්කම දිනා ගැනීම
2022 යුද හමුදා පැරා මලල ක්‍රීඩා තරඟාවලියේ – රන් පදක්කම දිනා ගැනීම
2022 ඉන්දියා ජාතික විවෘත පැරා මලල ක්‍රීඩා තරඟාවලියේ – රිදී පදක්කම දිනා ගැනීම
2023 ඕස්ට්‍රේලියා විවෘත පැරා මලල ක්‍රීඩා තරඟාවලියේ – රිදී පදක්කම දිනා ගැනීම
2023 ප්‍රංශයේ පැවති ලෝක ශූරතා තරඟාවලියේ – ලෝකඩ පදක්කම දිනා ගැනීම
2023 චීනයේ පැවැති ආසියානු මලල ක්‍රීඩා තරඟාවලියේ – රිදී පදක්කම දිනා ගැනීම
2024 මොරොක්කෝ පැවති ලෝක ශූරතා තරඟාවලියේ- රන් පදක්කම දිනා ගැනීම
2024 ජපානයේ පැවැති ලෝක ශූරතා පැරා තරඟාවලියේ – රිදී පදක්කම දිනා ගැනීම
2024 ප්‍රංශයේ පැවති පැරා ඔලිම්පික් ක්‍රීඩා තරඟාවලියේ – රිදී පදක්කම දිනා ගැනීම
