නැමීබියාව වෙත යන අතරතුර ඊයේ (5) දහවල් කෙටි ගමනාන්ත නැවතුමක් සඳහා චීන විදේශ අමාත්‍යවරයා මෙලෙස ගුවන්තොටුපළ වෙත පැමිණ ඇති බවයි පැවසෙන්නේ.
චීන විදේශ අමාත්‍යවරයා සමඟ 18 දෙනෙකුගෙන් සමන්විත දූත පිරිසක්ද මෙහිදී පැමිණ තිබෙනවා.
කටුනායක ගුවන්තොටුපළ වෙත පැමිණි චීන විදේශ අමාත්‍යාවරයා ඇතුළු පිරිස පිළිගැනීම සඳහා මෙරට චීන තානාපති ක්වි ෂෙංහොං මහතා සහ ගුවන්තොටුපළ හා ගුවන්සේවා සමාගමේ සභාපති විශ්‍රාමික එයාර් චීෆ් මාර්ෂල් හර්ෂ අබේවික්‍රම මහතා ඇතුළු පිරිසක් එක්ව සිටියා.
කෙටි නැවතුමෙන් පසු චීන විදේශ අමාත්‍යවරයා ඇතුළු දූත පිරිස පස්වරු 4.23 ට පමණ නැවත පිටත්ව ගිය බවයි බණ්ඩාරනායක ජාත්‍යන්තර ගුවන්තොටුපළ සඳහන් කළේ.
