අමෙරිකාවේ හිටපු ජනාධිපතිවරයෙකු වු ජේම්ස් අර්ල් කාටර් හෙවත් ජිමි කාටර් අභාවප්‍රාප්ත වී තිබෙනවා.
ඔහු ඇමෙරිකාවේ 39 වැනි ජනාධිපතිවරයා වේ.
1924 ඔක්තෝබර් මස 01වනදා උපත ලැබු ජිමි මිය යන විට ඔහුගේ වයස අවුරුදු 100කි.
ඇමෙරිකාවේ ඩිමොක්‍රටික් පාක්ෂිකයකු වන කාටර් වර්ෂ 1977 සිට 1981 දක්වා එරට ජනාධිපති ධුරය හොඹවා තිබෙනවා.
ඇමෙරිකාවේ ජීවතුන් අතර සිටි වයස්ගතම ජනාධිපතිවරයා ලෙස කාටර් නම් කිරීම පසුගියදා සිදුකෙරුණා.
X පණිවුඩයක් නිකුත් කරමින් ධවල මන්දිරය ප්‍රකාශ කර තිබුණේ කලක් රෝගාතුරව සිටි ඔහු ඊයේ (29) පස්වරුවේ ජෝරිජියාවේ සිය නිවසේ දී අභාවප්‍රාප්ත වු බවයි.
ගෝලීය අර්බුදවලට සාමකාමී විසඳුම් සොයමින්, මානව හිමිකම් සුරක්ෂිත කරමින් ප්‍රජාතන්ත්‍රවාදී ලෝකයක් ගොඩනැඟීමට දැරූ උත්සාහය වෙනුවෙන් 2002 වසරේදී ඔහු නොබෙල් සාම ත්‍යාගයෙන් පිදුම් ලැබුවා.
හිටපු ජනාධිපතිවරයාගේ අභාවය පිළිබඳව ශෝකය පළ කරන වත්මන් ජනාධිපති ජෝ බයිඩන් පැවසුවේ ඔහු ප්‍රතිපත්තිගරුක විශ්වසනීය සහ නිහතමානී මිනිසෙකු බවයි.
ධවල මන්දිරයට ගිය රතු රටකජු ගොවියා යන නාමයෙන්ද ජිමී කාටර්ගේ නාමය කා අතරත් ප්‍රචලිතයි.
