රුපියල් කෝටි 100ක් පමණ වටිනා කොකේන් මත්ද්‍රව්‍ය තොගයක් සමග විදේශීය කාන්තාවක් කටුනායක බණ්ඩාරනායක ජාත්‍යන්තර ගුවන්තොටුපළේදී අත්අඩංගුවට ගෙන තිබෙනවා.
ගුවන්තොටුපළ මත්ද්‍රව්‍ය පාලන ඒකකයේ නිලධාරීන් විසින් මෙම අත්අඩංගුවට ගැනීම සිදුකර ඇති බව සඳහන්.
අද (29) අලුයම 1.50ට පමණ කටාර් ගුවන් සේවයට අයත් ගුවන් යානයකින් ඝානාවේ සිට මෙරටට පැමිණි කාන්තාවක් නිලධාරීන් විසින් විශේෂ පරික්ෂාවකට ලක් කර තිබෙනවා.
එහිදි ඇයගේ ගමන් මලු තුළ සූක්ෂ්ම ලෙස සඟවා ගෙන රැගෙන ආ කොකේන් මත්ද්‍රව්‍ය තොගයක් සොයා ගෙන ඇති බවයි පැවසෙන්නේ.
කොකේන් මත්ද්‍රව්‍ය ග්‍රෑම් 4068ක් එහි තිබී සොයා ගෙන ඇති අතර එහි වටිනාකම රුපියල් කෝටි 100ක් පමණ වන බවයි රේගුව සඳහන් කළේ.
අත්අඩංගුවට ගත් කාන්තාව 41 හැවිරිදි දකුණු අප්‍රිකානු ගුවන් ගමන් බලපත්‍රයක් හිමි කාන්තාවක් බවයි පැවසෙන්නේ.
පොලිස් මත්ද්‍රව්‍ය නාශක කාර්යාංශය මේ සම්බන්ධයෙන් වැඩිදුර විමර්ශන සිදුකරනු ලබනවා.
