මැදපෙරදිග කලාපය ඉන් පිටත රාජ්‍යන්හි දේශපාලන ගොඳුරක් නොවිය යුතු බව චීනය සහ ඉරානය අවධාරණය කරනව තිබෙනවා.

චීනයේ නිල සංචාරයක නිරත ඉරාන විදේශ අමාත්‍ය Abbas Araqchi මහතා අද බෙයිජිංහි දී චීන කොමියුනිස්ට් පක්ෂයේ මධ්‍යම කාරක සභාවේ දේශපාලන කාර්යාංශ සාමාජික, විදේශ ඇමති Wang Yi මහතා හමු වුණා.

චීන-ඉරාන විස්තීර්ණ සහයෝගීතා සැලැස්ම ක්‍රියාත්මක කිරීම තවදුරටත් ප්‍රවර්ධනය කිරීමටත්, දේශපාලන හා රාජ්‍ය තාන්ත්‍රික මෙන්ම ව්‍යවස්ථාදායක ආයතනයන්හි ද නීතිය සහ යුක්තිය ක්‍රියාත්මක කිරීමටත්, ආර්ථික සහ වෙළඳ යන ක්ෂේත්‍රයන්හි රාජ්‍ය පාලනයේ අත්දැකීම් හුවමාරුව ශක්තිමත් කිරීමටත් මෙහිදී දෙපාර්ශ්වයම එකඟ වී තිබෙන බව සඳහන්.

මැදපෙරදිග කලාපය අයිති වන්නේ මැදපෙරදිග ජනතාවට බවත්, එය මහා බල තරඟ පිටියක් නොවන බවත්, කලාපයෙන් පිටත රටවල් අතර භූ දේශපාලන තරඟයේ සහ ගැටුම්වල ගොඳුරු නොවිය යුතු බවටත් මෙහිදී දෙපාර්ශවයම එකඟ වූ බව චීන විදේශ අමාත්‍යවරයා ප්‍රකාශ කර තිබෙනවා.

තවද ඉරාන න්‍යෂ්ටික ගැටළුව රාජ්‍ය තාන්ත්‍රික මාර්ග හරහා විසඳා ගැනීමටත්, ඊට අදාළ විස්තීරණ ගිවිසුම ආරක්ෂා කිරීමටත් චීනය සැමවිටම පෙනී සිටින බව ද Wang Yi මහතා මෙහිදී අවධාරණය කළ බවයි චීන මාධ්‍ය සමූහය පවසන්නේ.