ක්‍රොඒෂියාවේ සාග්‍රෙබ් ප්‍රාථමික පාසලක සිදු වූ පිහි ඇනුමකින් දරුවෙකු මියගොස් තිබෙන බව විදෙස් මාධ්‍ය වාර්තා කරනවා.
මියගොස් ඇත්තේ අවුරුදු 07 ක දරුවෙක්.
පිහි ඇනුම සිදු කර ඇත්තේ 19 හැවිරිදි එම පාසලේම අධ්‍යාපනය ලැබූ සිසුවෙකු බවයි කියන්නේ.
සෞඛ්‍ය ඇමතිනී Irena Hrstic පැවසුවේ ප්‍රහාරකයා පස් දෙනෙකුට පිහියකින් ඇනීමෙන් ඉන් 04දෙනෙකුට තුවාල සිදු වී ඇති අතර එක් අයෙකු මිය ගිය බවයි.
තුවාල ලැබූවන් අතර පාසලේ ගුරුවරයෙකු සිටින බව ද සඳහන්.
පසුව සැකකරු සියදිවි හානි කර ගැනීමට උත්සහ කර ඇති අතර පොලිසිය එය වළකමින් ඔහු අත්අඩංගුවට ගෙන ඇති බවයි කියන්නේ.
කෙසේ වෙතත් එම වාර්තා වැඩි දුරටත් පවසන්නේ සැකකරු මානසික ගැටලුවකින් පෙළෙන්නෙකු බවයි.
මෙම සිද්ධියත් සමග අද (21) දිනයේ ක්‍රොඒෂියාවේ ශෝක දිනයක් ද ප්‍රකාශයට පත් කර තිබෙනවා.
