සුපිරි ඉන්දීය නළු අල්ලු අර්ජුන් අත්අඩංගුවට ගෙන තිබෙන බව ඉන්දීය මාධ්‍ය වාර්තා කරනවා.
ඒ හයිද්‍රාබාද්හිදීයි.
පසුගිය 4වෙනි දා ‘Pushpa 2’ තිරගත වීම අතරතුර චිත්‍රපට ශාලාවක වූ තෙරපීමක් සම්බන්ධයෙන් වාර්තා වුණා.
එම තෙරපීමෙන් කාන්තාවක් මිය ගොස් ඇගේ 8 හැවිරිදි පුත්‍රයා බරපතල තුවාල ලබා ඇති බවයි ඉන්දීය මාධ්‍ය වාර්තා සඳහන් කළේ.
එම මාධ්‍ය වාර්තා පවසන්නේ මෙම සිදුවීම සම්බන්ධයෙන් වන චෝදනාවකට ප්‍රශ්න කිරීම සඳහා අල්ලු අර්ජුන්ව පොලිසිය වෙත රැගෙන ගොස් ඇති බවයි.
චිත්‍රපටයේ විශේෂ දැක්ම සඳහා අල්ලු අර්ජුන් පැමිණ ඇති බවත්, ඔහු දැකබලා ගැනීමට එහි පැමිණි පිරිස රැස්වූ බවට වන චෝදනාවයි මොහුට විරුද්ධව එල්ල වී ඇති චෝදනාව වන්නේ.
35 හැවිරිදි කාන්තාවක් මෙලෙස මියගොස් ඇති බව සඳහන්.
එහිදී ඇගේ පුත්‍රයා හුස්ම හිරවීම හේතුවෙන් රෝහල් ගත කර තිබෙන බවයි සඳහන් වෙන්නේ.
