Update (11/05) ප.ව. 12.30
මෙම අනතුරෙන් මියගිය සංඛ්‍යාව 21ක් දක්වා ඉහළ ගොස් ඇති බව පොලිසිය පවසනවා.
……………………………….
Update (11/05) පෙ .ව. 11.05
මෙම අනතුරෙන් මියගිය සංඛ්‍යාව 15ක් දක්වා ඉහළ ගොස් ඇති අතර තවත් පිරිසක් බස් රථය තුළ සිරවී සිටින බවද සඳහන්.
……………………………….
Update (11/05) පෙ.ව. 09.02
රම්බොඩ, ගැරඬිඇල්ල ප්‍රදේශයේ දී බස් රථයක් ප්‍රපාතයකට පෙරළීමෙන් සිදුවූ බස් රථ අනතුරින් මිය ගිය පුද්ගලයින් සංඛ්‍යාව තවදුරටත් ඉහළ ගොස් තිබෙනවා.
ඒ අනුව මේ වන විට එම අනතුරින් මිය ගිය පුද්ගලයින් සංඛ්‍යාව 08 ක්.
කොත්මලේ පොලීසිය පැවසුවේ අනතුරින් පිරිමි පුද්ගලයින් 05 දෙනෙක් සහ කාන්තාවන් 03 දෙනෙකු ජීවිතක්ෂයට පත්ව ඇති බවයි.
…………………………………
නුවරඑළිය – ගම්පොල ප්‍රධාන මාර්ගයේ කොත්මලේ, ගැරඬිඇල්ල ප්‍රදේශයේදී බස් රථයක් ප්‍රපාතයකට පෙරළීමෙන් අනතුරක් සිදුව ඇති බව පොලිසිය පවසනවා.
ඒ අනුව, එම අනතුරෙන් පුද්ගලයින් 4 දෙනෙකු මියගොස් ඇති අතර තුවාල ලැබූ පුද්ගලයන් ගණන 35 ක්.
පොලිසිය සඳහන් කළේ කතරගම බලා ධාවනය වෙමින් තිබූ මගී ප්‍රවාහන ලංගම බස් රථයක් මෙලෙස අනතුරට ලක්ව ඇති බවයි.
අනතුරින් තුවාල ලැබූ පිරිස් කොත්මලේ සහ නුවරඑළිය රෝහල් වෙත ඇතුළත් කර ඇති බවයි පොලිස් මාධ්‍ය කොට්ඨාසය පැවසුවේ.
අනතුර සම්බන්ධයෙන් කොත්මලේ පොලීසිය වැඩිදුර විමර්ශන සිදු කරනු ලබයි.
