ශ්‍රී බුද්ධ වර්ෂ 2569වන සම්බුදු තෙමගුල සිහිපත් කරමින් ජාතික වෙසක් සතිය අදින් (10) ඇරඹෙනවා.
ඒ අනුව එය එළැඹෙන 16වනදා දක්වා පවත්වනු ලබයි.
එමෙන්ම මෙයට සමගාමීව රාජ්‍ය වෙසක් මහෝත්සවය නුවරඑළිය දිස්ත්‍රික්කය කේන්ද්‍ර කරගනිමින් අද සිට ආරම්භවීමට නියමිතය.
අතිපූජ්‍ය මහානායක ස්වාමින් වහන්සේලාගේ සහ සමස්ත ලංකා ශාසනාරක්ෂක මණ්ඩලයේ අනුශාසනා පරිදි බුද්ධ ශාසන, ආගමික සහ සංස්කෘතික කටයුතු අමාත්‍යාංශය, රාජ්‍ය පරිපාලන, පළාත් සභා සහ පළාත් පාලන අමාත්‍යාංශය සහ බෞද්ධ කටයුතු දෙපාර්තමේන්තුව එක්ව සංවිධානය කරන මෙවර රාජ්‍ය වෙසක් මහෝත්සවය නුවරඑළිය ජාත්‍යන්තර බෞද්ධ මධ්‍යස්ථාන විහාරස්ථානයේ දීයි පැවැත්වෙන්නේ.
මෙම වර්ෂයේ රාජ්‍ය වෙසක් මහෝත්සවයේ තේමාව වන්නේ “හජෙථ මිත්තෙ කල්‍යාණ භජෙථ පුරිසුත්තමේ ” (කලණ ගුණ ඇති උතුම් මිතුරන් ඇසුරු කරමු) යන්නයි.
