බෙල් 212 හෙලිකොප්ටර් අනතුරෙන් පසු ශ්‍රී ලංකා ගුවන් හමුදා තුවක්කුකරුවන් දෙදෙනෙකු සහ විශේෂ බලකායේ සාමාජිකයින් සිව්දෙනෙකු ජීවිතක්ෂයට පත්ව තිබෙනවා.
තුවාල ලැබූ ඔවුන් පොලොන්නරුව රෝහලට ඇතුළත් කිරීමෙන් අනතුරුවයි ජීවිතක්ෂයට පත්ව ඇත්තේ.
හිගුරක්ගොඩ ගුවන් හමුදා කදවුරෙන් ගුවන් ගත වූ බෙල් 212 වර්ගයේ හෙලිකොප්ටර් යානයක් මාදුරු ඔය ප්‍රදේශයට අද උදෑසන කඩා වැටුණා.
මෙම හෙළිකොප්ටර් යානය ගමන් කර තිබුණේ මාදුරුඔය – කමාන්ඩෝ යුද හමුදා කදවුරේ පුහුණු සැසියක් සදහායි.
මේ අතර මෙම ගුවන් අනතුර පිළිබදව සොයා බැලීම සදහා කමිටුවක් පත් කර තිබෙනවා.
ගුවන් හමුදාපතිවරයා විසින් මෙලෙස 9 දෙනෙකුගෙන් යුත් කමිටුවක් පත් කර ඇති බවයි ගුවන් හමුදා මාධ්‍ය ප්‍රකාශක, වින්ග් කමාන්ඩර් එරන්ද ගීගනගේ පැවසුවේ.
