නව පාප්වහන්සේ තෝරා පත්කර ගැනීමේ දෙවන වටයේ ඡන්ද විමසීම ද තීරණයකින් තොරව අවසන් වී තිබෙනවා.
ඒ, වතිකානයේ සිස්ටයින් දේවස්ථාන කවුලුවෙන් ඉහළ අහසට කළු දුමාරයක් නිකුත් කරමින්.
රහස් ඡන්ද විමසීම පිළිබඳ ලෝකවාසීන්ට දැනුම් දෙනු ලබන්නේ, එම කවුළුවෙන් නිකුත් කරන දුමාරය මගින් වේ.
ඒ අනුව කළු දුමාරයෙන් අදහස් වන්නේ, දෙවන ඡන්ද විමසීමෙන් ද පාප්වහන්සේ තෝරා ගැනීමට නොහැකි වී ඇති බවයි.
පාප් වහන්සේ තෝරා ගත් විට එම කවුළුවෙන් නිකුත් වන්නේ, සුදු දුමාරයකි.
