ජාත්‍යන්තර පරමාණු බලශක්ති ඒජන්සියේ චීන ස්ථාවර නියෝජිත Li Song මහතා, රුසියා ස්ථාවර නියෝජිත Ulyanov මහතා හා ඉරාන ස්ථාවර නියෝජිත Najafi මහතා ඒකාබද්ධව එම ඒජන්සියේ අධ්‍යක්ෂ ජනරාල් Rafael Grossi මහතා හමු ව තිබෙනවා.
වර්තමානයේ ඉරාන න්‍යෂ්ටික ප්‍රශ්නය දේශපාලන හා රාජ්‍යතාන්ත්‍රික ක්‍රමයෙන් විසඳීමේ ක්‍රියාවලියට ජාත්‍යන්තර පරමාණු බලශක්ති ඒජන්සිය දායකත්වය ලබාදීම පිළිබඳව ඔවුන් එහිදී ගැඹුරින් සාකච්ඡා කර ඇති බවයි වාර්තා වන්නේ.
එම රටවල් තුනේ නියෝජිතයින් මෙහිදී අවධාරණය කර තිබෙන්නේ අන්‍යෝන්‍ය ගරුකිරීම මත දේශපාලන හා රාජ්‍යතාන්ත්‍රික සංවාදය, ඉරාන න්‍යෂ්ටික ප්‍රශ්නය විසඳීමේ එකම ඵලදායී තේරීම බවයි.
ජාත්‍යන්තර පරමාණු බලශක්ති ඒජන්සියට සිය වෘත්තීය හා විශේෂ කාර්යභාරය ඉටු කර සක්‍රීය ලෙස ඉරාන න්‍යෂ්ටික ප්‍රශ්නය විසඳීමේ දේශපාලන හා රාජ්‍යතාන්ත්‍රික වෑයමට අනුබල දෙන බව ද ඔවුන් පවසා තිබෙනවා.
ඉරානය හා ජාත්‍යන්තර පරමාණු බලශක්ති ඒජන්සිය සංවාද හා සහයෝගිතා පැවැත්වීම ශක්තිමත් කිරීමට චීනය හා රුසියාව සහාය ලබා දෙන බවටයි මෙහිදී අවධාරණය කර ඇත්තේ.
රුසියාව, ඉරානය හා ජාත්‍යන්තර පරමාණු බලශක්ති ඒජන්සිය සමග සංවාද හා සහයෝගිතා ශක්තිමත් කරමින් ඉරාන න්‍යෂ්ටික ප්‍රශ්නය දේශපාලන හා රාජ්‍යතාන්ත්‍රික විසඳීමේ ක්‍රියාවලියට ධනාත්මක විභවයක් එක් කිරීමට චීනය කැමැත්තෙන් සිටින බව ද Li Song මහතා සඳහන් කර තිබෙනවා.
