සත්කාරක දකුණු අප්‍රිකා සහ සංචාරක ශ්‍රී ලංකා කණ්ඩායම් අතර දෙවැනි ටෙස්ට් ක්‍රිකට් තරඟය අද අවසන් දිනට පැවැත්වෙනවා.

ඒ ශාන්තා ජෝර්ජ් පාර්ක් ක්‍රීඩාංගණයේදීයි.

තරඟය ජය ගැනීම සඳහා ශ්‍රී ලංකාවට තවත් ලකුණු 143ක් අවශ්‍ය අතර ඒ සඳහා ඔවුන්ට කඩුළු 05කුයි ඉතිරිව තිබෙන්නේ.

ජයග්‍රහණය සඳහා ලකුණු 348 ක ඉලක්කයක් හඹා යන ශ්‍රී ලංකා කණ්ඩායම ඊයේ හතරවන දිනට තරඟය නතර කරන විට කඩුලු 5 ක් දැවී රැස් කරගෙන සිටි ලකුණු සංඛ්‍යාව 205කි.

නායක ධනංජය ද සිල්වා සමගින් කුසල් මෙන්ඩිස් නොදැවී පිටියේ රැදී සිටිමින් ලකුණු 39ක් බැගින් රැස්කරගෙන සිටින අතර ඔවුන් දෙදෙනා 6වැනි කඩුල්ලට ලකුණු 83ක නොබිඳුණු සබඳතාවක් පවත්වා ගෙන යන බවයි කියන්නේ.

මෙහිදී කඩුළු 5ක් බිද හෙළීමට ප්‍රභාත් ජයසූරිය සමත් වුණා.

ඔහු ශ්‍රී ලංකාවෙන් පිටතදී ටෙස්ට් ඉනිමක් තුළ කඩුලු 5ක් දවා ගත් පළමු අවස්ථාව මෙය වීමද විශේෂ වේ.

.
කෙසේ නමුත් මෙම තරඟයේ පළමුව පන්දුවට පහරදුන් දකුණු අප්‍රිකාව සිය පළමු ඉනිමට සියලු‍ දෙනා දැවී ලබා ගැනීමට හැකි වුයේ ලකුණු 358ක් පමණි.

ඊට පිළිතුරු ලෙස ශ්‍රී ලංකාව සියලු‍ දෙනා දැවී ලකුණු 328ක් රැස් කර ගනු ලැබුවා.

ලකුණු 30ක වාසියක් සමගින් දෙවැනි ඉනිම ඇරඹූ දකුණු අප්‍රිකාවට සියලු‍ දෙනා පරාජය වී ලබා ගත හැකිවූයේ ලකුණු 317කි.

ශ්‍රී ලංකාවට ලකුණු 348ක ජයග්‍රාහී ඉලක්කයක් හිමිවුණේ ඒ අනුවයි.