පාර්ලිමේන්තුවේ වියදම් ගැන කඩිනම් විගණන වාර්තාවක් ලබාදෙන ලෙස කථානායක වෛද්‍ය ජගත් වික්‍රමරත්න විසින් මේ වන විටත් විගණකාධිපතිවරයාට දැනුම් දී තිබෙනවා.
පසුගිය වසර 10 තුළ ආණ්ඩු දෙකක් විසින් පාර්ලිමේන්තුවේ සිදුකර ඇති වියදම් සම්බන්ධයෙන් විනිවිදභාවයක් නොමැති වීම හේතුවෙනුයි රජය මෙම තීරණය ගෙන ඇත්තේ.
කථානායක කාර්යාලය පැවසුවේ පසුගිය 8 වනදා සහ 9 වනදා පාර්ලිමේන්තුවේ හිඟ වියදම් සම්බන්ධයෙන් ගැටලු මතුවීම හේතුවෙන් කථානායකවරයා එම වියදම් පිළිබඳව සෑහීමකට පත් නොවීමත්, එම කාලය තුළදී පාර්ලිමේන්තුවේ විගණන කටයුතු පෞද්ගලික ආයතන කිහිපයක් විසින් සිදුකිරීම, මෙයට හේතු වී ඇති බවයි.
ඒ අනුව දැනටමත් පාර්ලිමේන්තුවේ අනවශ්‍ය වියදම් සියල්ලම කපා හැරීමට පියවර ගනිමින් සිටින බවයි එම කාර්යාලය සඳහන් කළේ.
