කැලිෆෝනියා ප්‍රාන්තයට ඔබ්බෙන් වූ මුහුදේ මැග්නිටියුඩ් ඒකක 7ක ප්‍රභල භූ කම්පනයක් ඇති වී තිබෙන බව විදෙස් මාධ්‍ය සඳහන් කරනවා.
ඒ, ගොඩබිම සිට කිලෝමීටර 68ක පමණ දුරකින්.
ඊයේ (05 ) ශ්‍රී ලංකා වේලාවෙන් මධ්‍යම රාත්‍රියේ මෙම භූ කම්පනය වාර්තා වූ බවයි එම වාර්තාවල දැක්වෙන්නේ.
එහි ප්‍රභලත්වය හේතුවෙන් කැලිෆෝනියා සහ ඔරිගන් ප්‍රාන්ත වලට සුනාමි අනතුරු ඇඟවීම්ද නිකුත් කර තිබෙනවා.
පළමු කම්පනයෙන් පසු තවත් පසු කම්පන රැසක් වාර්තා වී ඇති අතර ප්‍රාන්ත පුරා නිවාස සහ ව්‍යාපාර ස්ථාන 10,000ක පමණ විදුලිය බිඳ වැටීම් ද ඇති වී තිබෙන බව සඳහන්.
පීඩාවට පත්වූ පුද්ගලයින්ට සහන සැපයීමේ අරමුණින් කැලිෆෝනියා ප්‍රාන්තයේ ආණ්ඩුකාර ගැවින් නිව්සම් ප්‍රාන්තයේ හදිසි තත්ත්වයක්ද ප්‍රකාශයට පත් කොට තිබෙනවා.
විදෙස් වාර්තා වැඩි දුරටත් පවසන්නේ භූ කම්පනයෙන් සිදු වූ හානිය පිළිබඳ මේ වනවිට තක්සේරු කරමින් ඇති බවයි.
කෙසේ නමුත් මේ වනවිට එම භූ කම්පන අනතුරු ඇඟවීම ඉවත් කර ඇති බවයි ඔවුන් සඳහන් කරන්නේ.
