ශ්‍රී ලංකා කණ්ඩායම සහ දකුණු අප්‍රිකාව අතර දෙවන සහ අවසන් ටෙස්ට් තරඟය අද (05) ආරම්භ වනවා.
ඒ ශ්‍රී ලංකා වේලාවෙන් පස්වරු 1.30ට දකුණු අප්‍රිකාවේ ජෝර්ජ් පාක් ක්‍රීඩාංගණයේදීයි.
ටෙස්ට් ක්‍රිකට් ලෝක ශූරතාවලිය යටතේයි මෙම තරඟය පැවැත්වෙන්නේ.
ඩර්බන්හිදී පැවැති පළමු තරඟය ලකුණු 233කින් ජය ගත්තේ සත්කාරක දකුණු අප්‍රිකාවයි.
ඒ අනුව ලෝක ටෙස්ට් ශූරතාවලියේ ප්‍රසාද ලකුණු සටහනේ ඉදිරියට යාමට ශ්‍රී ලංකා කණ්ඩායම මෙම තරඟය ජය ගැනීම අතිශය වැදගත් වනවා.
මෙම සටහනේ තුන්වන ස්ථානයේ සිටි ශ්‍රී ලංකා පිල දකුණු අප්‍රිකානු කණ්ඩායම හමුවේ පළමු තරඟය පරාජය වීමෙන් පසුව හතරවන ස්ථානය දක්වා පහත වැටුණු අතර අද ආරම්භ වන තරගය ජයගතහොත් ශ්‍රී ලංකාව යලි තුන්වන ස්ථානය දක්වා ඉදිරියට පැමිණෙයි.
එය පරාජය වුවහොත් හයවන ස්ථානය දක්වා පසු බසිනු ලැබේ.
එසේම ලෝක ටෙස්ට් ශූරතාවලියේ ප්‍රසාද ලකුණු සටහනේ දැනට දෙවන ස්ථානයේ පසුවන දකුණු අප්‍රිකානු කණ්ඩායම අද තරගය ජයගතහොත් ඉන්දියාව පරදවා පළමු ස්ථානයට පැමිණෙන අතර පරාජය වුවහොත් ඔවුන් සිටින ස්ථානයේම තවදුරටත් රැදී සිටීමට සිදුවන බවද සඳහන්.
