ජනාධිපති අනුර දිසානායක මහතා විසින් ඉදිරිපත් කරන ලද ප්‍රතිපත්ති ප්‍රකාශය පිළිබඳ යෝජනාව බෙදීමක් නොමැතිව ඒකමතිකව සම්මත වී තිබෙනවා.
ආණ්ඩුවේ ප්‍රතිපත්ති ප්‍රකාශයට බෙදීමක් අවශ්‍ය බවට විපක්‍ෂයද ප්‍රකාශ නොකළ අතර එම නිසා යෝජනාව ඒකමතිකව සම්මත වූ බවයි කතානායක අශෝක රන්වල මහතා නිවේදනය කළේ.
මේ අතර පසුගිය දිනවල පැවති අයහපත් කාලගුණ තත්ත්වය හේතුවෙන් ඇතිවූ ආපදා තත්ත්වය පිළිබද සභාව කල් තැබීමේ විවාදයද මේ වනවිට ( ශ්‍රී ලංකා වේලාවෙන් ප.ව. 5.30ට පමණ ) ආරම්භ වී තිබෙනවා.
ඊයේ (03) දින කතානායකවරයාගේ ප්‍රධානත්වයෙන් පැවති පක්ෂ නායක රැස්වීමේදී මෙම තීරණය ගෙන තිබෙන බවයි පවසන්නේ.
