හිටපු අමාත්‍ය ජොන්ස්ටන් ප්‍රනාන්දු මහතාට චෝදනා එල්ල වී ඇති කොළඹ හිල්ටන් හෝටලයේ සඟවා තිබී සොයා ගැනුණු සුඛෝපභෝගී BMW මෝටර් රථය සම්බන්ධයෙන් ප්‍රකාශ ලබා ගැනීම සඳහා V-fm නාලිකාවේ සේවකයන් පිරිසක් අපරාධ පරීක්ෂණ දෙපාර්තමේන්තුවට කැඳවා තිබෙනවා.
මෙලෙස ඔවුන් කැඳවා ඇත්තේ සමූහ මංකොල්ල විමර්ශන අංශයටයි.
අදාළ මෝටර් රථය පසුගිය කාලයේ මහත් ආන්දෝලනයකට තුඩු දුන් අතර ඒ සම්බන්ධයෙන් ප්‍රකාශයක් ලබා දෙමින් V-fm නාලිකාවේ හිමිකරු බව කියන පුද්ගලයා CID හමුවේ ප්‍රකාශ කර ඇත්තේ එහි අංක තහඩුව අස්ථානගත වී තිබූ බවයි.
ඒ අනුව V-fm නාලිකා පරිශ්‍රයේ දී එය අස්ථානගත වූ බවට ප්‍රකාශ කිරීමත් සමගයි එම නාලිකාවේ සේවකයන් පිරිස මෙලෙස අපරාධ පරීක්ෂණ දෙපාර්තමේන්තුවට කැඳවා ඇත්තේ.
