ඉන්දියාවේ පැවැත්වෙන කාන්තා ප්‍රිමියර් ලීග් තරඟාවලියේ අවසන් අදියරේ තරඟ ශ්‍රී ලංකා කාන්තා කණ්ඩායමේ නායිකා චමරි අතපත්තුට අහිමි වී තිබෙනවා.
ලබන මාර්තු මස 4 වැනිදා ශ්‍රි ලංකා කාන්තා කණ්ඩායමේ නවසීලන්ත තරඟ සංචාරය ආරම්භ වන බවයි කියන්නේ.
ඊට එක්වීම සඳහා චමරි ඉන්දීය කාන්තා ප්‍රිමියර් ලීග් තරඟාවලියේ ඇය ක්‍රීඩා කරනු ලබන අප් වොරියස් කණ්ඩායමෙන් තරඟාවලිය අතරතුර ඉවත්ව ඇති බවයි පැවසෙන්නේ.
අප් වොරියස් කණ්ඩායම මේ දක්වා තරඟාවලියේ එක් තරඟයක් පමණක් ක්‍රීඩා කර ඇති අතර එම තරඟය සඳහාද චමරි තෝරාගෙන තිබුණේ නැහැ.
කෙසේවෙතත් අප් වොරියස් කණ්ඩායම නියෝජනය කරන නවසීලන්ත තුන් ඉරියව් ක්‍රීඩිකා ඇමීලියා කර් ශ්‍රි ලංකාව සමග පැවැත්වෙන තරඟාවලියට සහභාගි නොවී තවදුරටත් ඉන්දීය කාන්තා ප්‍රිමියර් ලීග් තරඟාවලියේ ක්‍රීඩා කිරීමට තීරණය කර ඇති බවයි පැවසෙන්නේ.
