බත්තරමුල්ල, පැලවත්ත – ඉසුරුපාය අධ්‍යාපන අමාත්‍යාංශය පිහිටි ගොඩනැගිලි පරිශ්‍රයේ ඉහළ සවිකර තිබූ රුපියල් ලක්ෂ 51 ක් පමණ වටිනා තඹ පටි තොගයක් කිසියම් පිරිසක් විසින් සොරකම් කර තිබෙනවා.
සිද්ධිය සම්බන්ධයෙන් මේ වන විට එහි සේවකයන් කිහිප දෙනකුගෙන් ප්‍රකාශ සටහන් කර ගත් බවයි පොලිසිය ප්‍රකාශ කළේ.
මෙලෙස සොරාගෙන ඇත්තේ ගොඩනැගිලි පරිශ්‍රයේ සවිකර තිබූ අඩි 1,731 ක අකුණු සන්නායක තඹ පටි තොගයකුයි.
එම තම පටි සවිකර තිබෙන ගොඩනැගිලි මුදුනට බාහිර පුද්ගලයන්ට කිසි විටෙකත් ළඟා වීමට නොහැකි බවත් එම ස්ථානයට ළඟාවිය හැක්කේ එහි සේවය කරන පුද්ගලයන්ට පමණක් බවත් පොලිසිය සඳහන් කළා.
සිද්ධිය සම්බන්ධයෙන් වැඩි දුර විමර්ශන ක්‍රියාත්මකයි.
