දකුණු කොරියානු නිළි Kim Sae-ron සෝල් හි සියොංඩොං-ගු හි ඇගේ නිවසේදී මියගොස් සිටියදී සොයා ගත් බවට එරට පොලිසිය පවසා තිබෙන බව විදෙස් මාධ්‍ය සඳහන් කරනවා.
2000 දී උපත ලැබූ කිම් මිය යන විට වයස අවුරුදු 24 කි.
කිම්ගේ මිතුරියක විසිනුයි ඇගේ මළ සිරුර ඇගේ නිවසේ තිබී සොයාගෙන ඉරිදා සවස 4:50 ට පමණ පොලිසියට දැනුම් දී ඇත්තේ.
ඇගේ මරණයට හේතුව පොලිසිය විමර්ශනය කරමින් සිටිනවා.
නමුත් ඒ වන විටත් ඔවුන් සැකසහිත සලකුණක් සොයාගෙන නොමැති බව සඳහන්.
කිම් 2009 වසරේ දී දී නිළියක් ලෙස රංගනයට පිවිසි අතර 2010 දී “ද මෑන් ෆ්‍රොම් නෝවර්” නම් ක්‍රියාදාම චිත්‍රපටයේ සහ 2012 දී “ද නෙයිබර්” නම් ත්‍රාසජනක චිත්‍රපටයේ පෙනී සිටීමත් සමඟයි ඇය ප්‍රසිද්ධියට පත් වූයේ.
ඇගේ අවසන් කෘතිය වූයේ 2023 දී නිකුත් කරන ලද “Bloodhounds” ය.
2022 මැයි මාසයේදී බීමතින් රිය පැදවීමේ සිද්ධියකින් පසු 2023 අප්‍රේල් මාසයේදී, අධිකරණයක් ඇයට වොන් මිලියන 20 ක (ඩොලර් 13,850) දඩයක් නියම කළ බවද සඳහන්.
එසේම එම සිදුවීමෙන් පසු ඇය ඇගේ රංගන ජීවිතය ස්ථිර ලෙස නතර කළ බවයි විදෙස් මාධ්‍ය වාර්තා කරන්නේ.
