සමූපකාර හා අභ්‍යන්තර කටයුතු අමාත්‍යංශයේ හිටපු අතිරේක ලේකම් ප්‍රියන්ත මායාදුන්නේ මහතා අත්අඩංගුවට ගෙන තිබෙනවා.
අපරාධ පරීක්ෂණ දෙපාර්තමේන්තුව විසින් අද දින ඔහු අත්අඩංගුවට ගත් බවයි පොලිස් මාධ්‍ය කොට්ඨාසය සඳහන් කළේ.
ඒ 2011 වර්ෂයේ දී පැවැති ජාත්‍යන්තර සමූපකාර දිනය සැමරුම් උත්සවයක් සඳහා සමූපකාර අරමුදලින් රුපියල් මිලියන 183 ක් වැය කිරීම සම්බන්ධයෙන් අපරාධ පරීක්ෂණ දෙපාර්තමේන්තුව සිදු කළ විමර්ශනයකට අදාළවයි.
සැකකරු කොළඹ මහේස්ත්‍රාත් අධිකරණයට ඉදිරිපත් කිරීමට නියමිත අතර වැඩිදුර විමර්ශන ක්‍රියාත්මකයි.
