සංචාරක ඕස්ට්‍රේලියා කණ්ඩායම හා ශ්‍රී ලංකාව අතර පැවැත්වෙන වෝන් මුරලි ටෙස්ට් ක්‍රිකට් තරගාවලියේ පළමු ටෙස්ට් තරගයේ පළමු දිනය නිමාවට පත්වුනේ ඕස්ට්‍රේලියාවට වැඩි වාසි අත්කර දෙමින්.
මෙම තරගයේ කාසියේ වාසිය දිනු ඕස්ට්‍රේලියානු කණ්ඩායම මුලින් පන්දුවට පහර දීමට තීරණය කළා .
ඒ අනුව අද (29) දිනය සඳහා තරඟය නතර කරන විට පළමු ඉණිම ක්‍රීඩාකරන ඕස්ට්‍රේලියානු කණ්ඩායම කඩුලු 2ක් දැවී ළකුණු 330ක් රැස්කර ගෙන සිටියා.
සුපිරි පිතිකරණයක නිරත වූ උස්මාන් කවාජා සිය 16 වැනි ටෙස්ට් ශතකය වාර්තා කරමින් නොදැවී ළකුණු 147ක් සහ නායක ස්ටීවන් ස්මිත් සිය 35 වැනි ටෙස්ට් ශතකය වාර්තා කරමින් නොදැවී ළකුණු 104ක් රැස්කර ගෙන තිබෙනවා .
මීට අමතරව ට්‍රැවිස් හෙඩ් ළකුණු 57ක් රැස්කළ බව සඳහන්.
පන්දු යැවීමේදි ප්‍රභාත් ජයසූරිය සහ ජෙෆ්රි වැන්ඩසේ එක් කඩුල්ල බැගින් බිද හෙලුවා.
