‘වෝන් – මුරලි’ ටෙස්ට් ක්‍රිකට් තරඟාවලියට සහභාගිවීම සඳහා ඕස්ට්‍රේලියානු ක්‍රිකට් කණ්ඩායම ඊයේ (24) රාත්‍රියේ ශ්‍රී ලංකාවට පැමිණියා.
ඔවුන් මෙරටට පැමිණ ඇත්තේ ඩුබායිහිදී පැවැති පුහුණු කඳවුරකට සහභාගිවීමෙන් අනතුරුවයි.
ලෝක ටෙස්ට් ශූරතාව යටතේ පැවැත්වෙන තරඟ 2කින් යුත් මෙම තරඟාවලියේ සියලුම තරඟ පැවැත්වීමට නියමිතව ඇත්තේ ගාල්ල ජාත්‍යන්තර ක්‍රිකට් ක්‍රීඩාංගණයේය.
මෙහි පළමු තරඟය එළැඹෙන 29 වැනිදා ආරම්භ වීමට නියමිතයි.
මෙම තරඟාවලියට අමතරව ශ්‍රී ලංකා කණ්ඩායම සමගින් එක්දින තරඟ 2කට ඔවුන් ක්‍රීඩා කිරීමට සැලසුම් කර ඇති බවයි කියන්නේ.
එම තරඟ පෙබරවාරි 12 සහ 14 දිනවල කොළඹ ආර්. ප්‍රේමදාස ක්‍රීඩාංගණයේ දී පැවැත්වීමට නියමිත බව සඳහන්.
