වසර මිලියනයකට වඩා පෘථිවි දේශගුණය පිළිබඳ පරීක්ෂණ කිරීම සඳහා පැරණි අයිස් පිළිබඳ කැණීම් ආරම්භ කිරීමට ඕස්ට්‍රේලියාව පියවර ගෙන තිබෙනවා.
නැගෙනහිර ඇන්ටාක්ටිකාවේ අයිස් කන්දක් වන අදාළ ස්ථානය රේඩාර් දත්තවලට අනුව වසර මිලියන දෙකක් පමණ පැරණි අයිස් අඩංගු විය හැකි බවයි කියන්නේ.
පසුගිය වසර දෙක තුළ, කණ්ඩායම් විසින් එම අයිස් කන්ද අසළ ඇති ස්ථානයක පූර්ව ස්ථානගත කරන ලද උපකරණ සහ පරීක්ෂණ මධ්‍යයන් සිදු කර තිබෙන බව විදෙස් මාධ්‍ය සඳහන් කරනවා.
විද්‍යාඥ ආචාර්ය ජොයෙල් පේද්‍රෝ, ඇන්ටාක්ටික් අයිස් තට්ටු මතුපිටට කිලෝමීටර් තුනක් යටින් පෞරාණික අයිස් නිස්සාරණය කිරීමේ එම ව්‍යාපෘති කණ්ඩායමට නායකත්වය දෙයි.
පෘථිවියේ වායුගෝලීය සංයුතිය සහ දේශගුණය සියවස් ගණනාවක් පුරා වෙනස් වී ඇති ආකාරය පිළිබඳ වඩාත් සවිස්තරාත්මක අඛණ්ඩ වාර්තාව ලබා ගැනීමට ඔවුන් අපේක්ෂා කරනවා.
මෙය ඕස්ට්‍රේලියානු, යුරෝපීය සහ එක්සත් ජනපද විද්‍යා කණ්ඩායම් අතර වසර ගණනාවක සහයෝගීතාවයේ ප්‍රතිඵලයක් වූ අතර, අයිස් තට්ටුවේ විස්තීර්ණ භූමි හා ගුවන් සමීක්ෂණවලින් රේඩාර් ඡායාරූප එකතු කිරීම, ආකෘති නිර්මාණ කිරීම් මගින් හා විශේෂඥ දැනුම සමඟින් සිදු කරනු ලබන බව සඳහන්.
වසර මිලියන 1.2 ක් පමණ පැරණි අයිස් සහිත මීටර් 2,800 ක් දිග අයිස් හරයක් සොයා ගැනීම යුරෝපීය සහයෝගිතාකරුවන් නිවේදනය කිරීමත් සමඟයි ඕස්ට්‍රේලියාවේ මෙම කැනීම් කටයුතු ආරම්භය සිදු කළේ .
කෙසේ නමුත් 2028-29 ගිම්හානය වන විට කණ්ඩායම අපේක්ෂා කරන්නේ මීටර් 3,100 ක පමණ ඉලක්ක ගැඹුරකට ළඟා වීමටයි.
මීට වසර මිලියනයකට පමණ පෙර, පෘථිවි දේශගුණික පද්ධතියේ තත්ත්වය කෙටි අයිස් යුගයේ, චක්‍ර සහ කුඩා අයිස් තට්ටු බවට වෙනස් වූයේ මන්දැයි යන දිගුකාලීන ප්‍රහේලිකාවකට පිළිතුරු දීමට මෙම සමීක්ෂණ උපකාර වනු ඇති.
