ඉන්දියා-ඕස්ට්‍රේලියා අධ්‍යාපනික සබඳතා තවදුරටත් ශක්තිමත් කරමින්, දැන් තවත් ඕස්ට්‍රේලියානු විශ්වවිද්‍යාලයක් වන බටහිර සිඩ්නි විශ්වවිද්‍යාලය ඉන්දියාවේ සිය මණ්ඩපය විවෘත කිරීමට සූදානම් වෙනවා.
ග්‍රේටර් නොයිඩාහියි මෙම මණ්ඩපයක් පිහිටුවීමට සැලසුම් කර තිබෙන්නේ.
ඉන්දියාවේ ඕස්ට්‍රේලියානු මහ කොමසාරිස්, පිලිප් ග්‍රීන් සිය X ගිණුමේ සටහනක් තබමින් පවසා ඇත්තේ මෙම මණ්ඩපය ඉන්දියාවේ තුන්වන විශ්ව විද්‍යාල මණ්ඩපය මෙන්ම උත්තර ප්‍රදේශ් ප්‍රාන්තයේ පළමු විශ්වවිද්‍යාලය වනු ඇති බවයි.
විශ්ව විද්‍යාල නිල පිටුවේ පවසා ඇත්තේ සිසුන්ට සහාය වීම, පර්යේෂණ සඳහා ආයෝජනය කිරීම සහ කර්මාන්ත හවුල්කරුවන් සමඟ සහයෝගයෙන් කටයුතු කිරීම මගින් ඉන්දියාව සමඟ පවතින සබඳතා ගැඹුරු කිරීම එහි එක් අරමුණක් බවයි.
එමෙන්ම ඉන්දියාවේ සහ ඕස්ට්‍රේලියාවේ අඛණ්ඩ ආර්ථික වර්ධනයට සහ සමාජ සංවර්ධනයට සහාය වීම සඳහා, වාණිජකරණය සහ පර්යේෂණ පිළිබඳ ප්‍රමුඛ පෙළේ ඉන්දියානු ආයතන සහ විද්වතුන් සමඟ හවුල් වීමෙන්, ඔවුන්ගේ කාර්ය මණ්ඩලයට සහ සිසුන්ට ඉන්දියාවේ සමඟ අදහස් හුවමාරු කර ගැනීමට අවස්ථාව ලබා දෙන බවටද විශ්ව විද්‍යාල ප්‍රකාශයේ සඳහන්.
විශ්ව විද්‍යාලය ක්ෂේත්‍ර පාසල්, විදේශයන්හි අධ්‍යාපනය, සීමාවාසික පුහුණුව සහ කෙටි කාලීන පර්යේෂණ ස්ථානගත කිරීම්, විවෘත ඉගෙනුම් පරිසර වැඩසටහන් සහ කර්මාන්ත සහ ප්‍රජා ව්‍යාපෘති ඒකක (ICPU) හරහා හුවමාරු අවස්ථා ද සැපයීමටද අරමුණු කොටගෙන සිටියි.
