ශ්‍රි ලංකා තරඟ සංචාරයේ සංශෝධනයක් සිදුකරන ලෙස ඕස්ට්‍රේලියානු ක්‍රිකට් ආයතනය ශ්‍රි ලංකා ක්‍රිකට් ආයතනයෙන් ඉල්ලීමක් කර ඇති බව වාර්තා වනවා.
ඒ අනුව තරඟාවලියට අමතර එක්දින තරඟයක් ඇතුළත් කරන ලෙස ඔවුන් ඉල්ලිමක් කර ඇති බවයි පැවසෙන්නේ.
ශූරයින්ගේ කුසලාන තරඟාවලිය සඳහා සූදානම් වීමේ අරමුණින් මෙම ඉල්ලිීම සිදුකර ඇති බව සඳහන්.
ටෙස්ට් තරඟ දෙකකට සහ එක්දින තරඟයකට සහභාගි වීම සඳහා මේ මස අග ඕස්ට්රෙිලියානු කණ්ඩායම දිවයිනට පැමිණීමට නියමිතයි.
ටෙස්ට් තරඟ දෙක ගාල්ල ජාත්‍යන්තර ක්‍රීඩාංගණයේත්, එක්දින තරඟය සූරියවැව ක්‍රීඩාංගණයේත් පැවැත්වීමට මේ වන විටත් සැලසුම් කර තිබෙනවා.
ඕස්ට්‍රේලියානු ක්‍රිකට් ආයතනයේ ඉල්ලීම ඉටුවුවහොත් එක්දින තරඟ දෙකම කොළඹ ප්‍රේමදාස ක්‍රීඩාංගණයේ පැවැත්වෙන ඇති බවයි වාර්තා වන්නේ.
කෙසේ වෙතත් ප්‍රේමදාස ක්‍රීඩාංගණයේ ආලෝක කුලුනු මේ වන විට ප්‍රතිසංස්කරණය කරන බැවින් එම තරඟ දෙක දිවා තරඟ ලෙස පැවැත්වෙනු ඇති.
අමතර එක්දින තරඟයක් ඉල්ලා සිටියද, ටෙස්ට් තරඟ දෙකෙහි වෙනසක් සිදු නොවන බවයි පැවසෙන්නේ.
