ඕස්ට්‍රේලියා කණ්ඩායමේ හා ශ්‍රී ලංකා කණ්ඩායමේ තරඟාවලියට අදාළ තරඟ කාලසටහන ප්‍රකාශයට පත්කර තිබෙනවා.
ඒ ශ්‍රී ලංකා ක්‍රිකට් ආයතනය විසිනුයි.
දෙරට අතර එක්දින ජාත්‍යන්තර තරඟය හම්බන්තොට මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගනයේ පැවැත්වීමටයි නියමිතව ඇත්තේ.
තරඟය දිවා රාත්‍රී තරඟයක් වන බවයි කියන්නේ.
ඉදිරි සංචාරයට ටෙස්ට් තරඟ දෙකක් සහ එක්දින ජාත්‍යන්තර තරඟයක් ඇතුළත් වෙන බව සඳහන් වනවා.
ටෙස්ට් තරඟ පැවැත්වෙන්නේ ගාල්ල ජාත්‍යන්තර ක්‍රිකට් ක්‍රීඩාංගනයේයි.
පළමු ටෙස්ට් තරඟය ජනවාරි 29 සිට පෙබරවාරි 2 දක්වා පැවැත්වෙන අතර දෙවන ටෙස්ට් තරඟය 2025 පෙබරවාරි 6 සිට 10 දක්වායි පැවැත්වෙන්නේ.
එමෙන්ම එක්දින තරඟය 2025 පෙබරවාරි 13 වන දින පැවැත් වීමට නියමිතයි.
2025 ජනවාරි 20 වන දින ඕස්ට්‍රේලියානු ක්‍රිකට් කණ්ඩායම ශ්‍රී ලංකාවට පැමිණෙනු ඇති බවයි වැඩිදුරටත් සඳහන් වෙන්නේ.
