ප්‍රකට ක්‍රිකට් වෙබ් සඟරාවක් වන ක්‍රික් ඉන්ෆෝ ආයතනය මේ වසරේ විශිෂ්ටතම ක්‍රිකට් කණ්ඩායම් නම් කර තිබෙනවා.
එම ආයතනය වාර්ෂිකව මෙලෙස විශිෂ්ට කණ්ඩායම් නම් කරනු ලබන්නේ ලොව පුරා සිටින දක්ෂ ක්‍රිඩකයින් එක්කරමින්.
ඒ අනුව මේ වසරේ විශිෂ්ට එක්දින කණ්ඩායමේ නායකයා ලෙස චරිත් අසලංක නම් කර තිබීම විශේෂත්වයක්.
ශ්‍රී ලංකාව නියෝජනය කරමින් කුසල් මෙන්ඩිස් සහ වනිදු හසරංග ද එම කණ්ඩායමට ඇතුළත්.
මේ අතර විශිෂ්ටතම කාන්තා එක්දින කණ්ඩායමේ නායකයා ලෙස ශ්‍රී ලංකා කාන්තා කණ්ඩායමේ නායිකා චමරි අතපත්තු නම් කර තිබෙනවා.
මීට අමතරව වසරේ විශිෂ්ටතම පන්දුවාර 20යි 20 කණ්ඩායම සදහා ශ්‍රී ලංකා වේග පන්දු යවන ක්‍රිඩක මතීෂ පතිරණ එක් කර තිබීම ව්ශේෂත්වයක්.
