බටහිර ඕස්ට්‍රේලියාවේ වෙරළ තීරයකදී අනතුරුදායක දිය පහරකට හසුවීමෙන් පුද්ගලයින් දෙදෙනෙකු ඊයේ (28) දින දියේ ගිලී මියගොස් තිබෙනවා.
තවත් පුද්ගලයකු රෝහල් ගත කර තිබෙන බව සඳහන්.
පුද්ගලයින් තිදෙනාම නිරිතදිග වෝල්පෝල් නගරයට ආසන්න ක්ලිෆ් වෙරළ තීරයේ රැල්ලකට හසු වී තිබෙන බවයි කියන්නේ.
ප්‍රකාශයක් නිකුත් කරමින් W A පොලිසිය පවසන්නේ පස්වරු 2.40 ට පමණ තිදෙනා රැල්ලට හසු වී තිබෙන බවත් පොලිසිය පැමිණෙන විටත් මහජනතාව පිරිස ජලයෙන් ගොඩට ගෙන සිටි බවත්ය.
නිලධාරීන් පැවසුවේ ඔවුන් ප්‍රථමාධාර ලබා දීම ආරම්භ කළ නමුත් 40 හැවිරිදි කාන්තාවක් සහ 44 හැවිරිදි පිරිමි පුද්ගලයකු ඒ වන විටත් මිය ගොස් සිටි බවයි.
40 හැවිරිදි අනෙක් පුද්ගලයා ප්‍රථමාධාර ලබා දීමෙන් පසුව සිහි ගන්වා රෝහල් ගත කර තිබෙනවා.
වැඩිහිටියන් තිදෙනාම එකිනෙකා හඳුනන අය වන අතර ඔවුන් පර්ත් ප්‍රදේශයේ සිට පැමිණ ඇති බවයි පොලිසිය නිවේදනයක් නිකුත් කරමින් කියා සිටියේ.
ඕස්ට්‍රේලියාවේ රාජකීය ( Royal) ජීවිතාරක්ෂක දත්ත පෙන්වා දෙන්නේ මේ වසරේ දියේ ගිලී මිය ගිය සංඛ්‍යාව ඉහළ ගොස් ඇති බවයි.
මෙම වසරේ ගිම්හානයේ පළමු සති තුන තුළ මරණ 14ක් සිදුවී ඇති අතර එය 2023 වසරේ එම කාලය තුළ සිදු වූ මරණ සංඛ්‍යාවට වඩා වැඩිය.
දියේ ගිලී මිය ගිය අයගෙන් 80%කට වඩා වැඩි ප්‍රමාණයක් පිරිමින් වන අතර දියේ ගිලී මිය ගිය අයගෙන් 80%කට වඩා වැඩි ප්‍රමාණයක් ඕස්ට්‍රේලියාවේ උපත ලැබූ අය නොවන බව දත්ත පෙන්වා දෙයි.
සියලුම දියේ ගිලීම්වලින් හතරෙන් එකක් ගංගා සහ ඇළ දොළ නිසා සිදුවන අතර 20%ක් පමණ ඕස්ට්‍රේලියානු වෙරළ තීරයේ සිදු වේ.
