සහල් ආනයනය කිරීම සදහා ලබාදුන් අවසරය ලබන වසරේ ජනවාරි 10 වනදා දක්වා දීර්ඝ කිරීමට අදාළ ගැසට් නිවේදනය නිකුත් කර තිබෙනවා.
මීට පෙර එම අවසරය හිමිව තිබුණේ දෙසැම්බර් 20 දින දක්වා පමණි.
ඒ අනුව පසුගිය 20දා වනවිට සහල් මෙට්ට්‍රික් ටොන් 67000 ක් පෞද්ගලික ආනයනකරුවන් විසින් මෙරටට ආනයනය කර තිබුණු බව සඳහන්.
ආනයනය කරන ලද සහල් නිෂ්කාශනය කිරීමේ කටයුතු අද (26) දින සිට සිදු කරන බවයි ශ්‍රී ලංකා රේගුව සඳහන් කළේ.
මේ අතර සුලු හා මධ්‍ය පරිමාණ වී මෝල් හිමියන්ගේ සංගමයේ සභාපති යූ.කේ. සේමසිංහ මහතා අනුරාධපුරයේ ඊයේ පැවති ප්‍රවෘත්ති සාකච්ඡාවකට එක් වී තිබෙනවා.
එහිදී ඔහු පවසා ඇත්තේ මහා පරිමාණ මෝල් හිමියන් විසින් වී තොග ගබඩා කර තබා ගැනීම තුළින් රට තුළ සහල් හිඟයක් ඇති වූ බවයි.
